ILOILO — Patay na sang nakita ang mangunguma nga ginapatihan nakuryente sa Barangay Maninila, Miagao kahapon sang udto, Marso 14.
Suno kay Police Captain Francis Donne Lomahan, may duha ka mga indibidwal nga naglabay sa talamnan kag nakita nga wala nagahulag si alyas Sito, 52-anyos nga residente sang barangay.
Sa imbestigasyon sang police, posible aksidente nga nakaptan sang biktima ang wire tungod nagakay-o siya sang electric motor. May nakita nga nagawayway nga wire kag may paso sa kamot ang mangumnguma.
Ginpahayag ni Lomahan nga puwede ipa-autopsy ang lawas agud matumod ang ginkapatay sang mangunguma kun mapasugot ang pamilya.
