ILOILO– Na-recover ang ginabanta P1 Million nga balor sang suspected shabu sa drug buy bust operation sa Zone 2 Brgy. San Juan, Molo kagab-i, March 21.
Sa operasyon sang City Drug Enforcement Unit (CDEU), nadakpan si Estanislao Henojales alyas Shaolin.
Gin-ako ni Henojales nga nakaagi na siya preso sa kaso may kaangtanan sa ilegal nga druga kag nakaguwa lang sang nagligad nga tuig.
Pero ginpanginwala niya nga iya ang na-recover nga illegal drugs.
Nakuha sa subject ang 11 ka sachets sang suspected shabu nga ginabanta nagabug-at sang 150 grams.
