State of calamity sa Iloilo City tungod sa kakulang sang water supply posible ideklarar — Mayor Jerry Treñas

Positibo nga may deklarasyon sang state of calamity sa Iloilo City tungod sa kakulang sa supply sang tubig.

Ini suno kay City Mayor Jerry Treñas sang makasugilanon kanday City Disaster Risk Reduction and Management Office head Donna Magno kag City Environment and Natural Resources Office (CENRO) Acting head Janis Sy.

Suno sa alkalde, madamo sang reports nga hubas na ang mga shallow wells ukon bubon sa ila barangay kag may mga areas sa gihapon nga kulang ang supply sang tubig.

Nakapreparar suno kay Treñas ang Quick Response Fund sang siyudad pananglitan madayon ang deklarasyon.

Ginahulat sang alkalde ang formal recommendation halin sa CDRRMO kag CENRO para maka-declare sang state of calamity. — via Aksyon Justice Savvanah Pamplona