Asawa patay sang gintiro sang iya bana nga miyembro sang Phil. Army sa Calinog; Bana patay man sang gintiro ang kaugalingon

ILOILO — Patay ang asawa sang gintiro sang iya bana nga miyembro sang Philippine Army sa Barangay Badlan Pequeño, Calinog las-10 kagab-i.

Pagkatapos tiruhon ang iya asawa, gintiro man sang soldado ang iya kaugalingon.

Suno kay Police Captain Melvin Mercado, officer-in-charge sang Calinog Municipal Police Station, gina-imbestigaran pa nila ang insidente.

Nakaagum sang pilas sa nagkalain-lain nga parte sang lawas ang asawa, samtang sa ulo ang pilas sang bana.

May na-recover nga caliber 45 nga pusil sa lugar. — Aksyon Maria Kayla Tingzon