ILOILO— Arestado ang lalaki nga nagbakal sang peke nga kwarta sa Jaro Big Market kaina sang aga.
Suno kay Police Corporal Kish Talabero, imbestigador sang Police Station 9 sa Jaro, ginpahibalo sila sang vegetable vendor nga may nagbakal gamit ang peke nga P500.
Sang ginrespondihan sang pulis kag ginrikesa sa suspek, na-recover sa bulsa niya ang lima ka gision nga 500 peso bill; kag duha pa gid ka 500 peso bill nga wala sang gisi.
Ginkilala ang na-aresto kay Enrique, 57-anyos nga taga-Cochero, Molo.
Sa pagpangusisa sang pulis sa suspek, ginpabutyag niya nga ginabakal niya ang peke nga 500 peso bill sa Cebu sa balor nga 150 pesos.
Sa pagkahibalo sang pulis, isahanon lang ang suspek sa pagbakal sang peke nga kwarta pero gina-imbestigaran pa nila. — Aksyon Farrah Mae Morano
