ILOILO— Wala na sang pang-idalum nga panapton ang babaye sang nasapwan sa Tambong, Miagao las-6:10 kagab-i, Abril 7.
Suno kay Police Captain Francis Donne Lomahan, hepe sang Miagao Municipal Police Station, nagakaya sang nakita ang wala pa makilala nga babaye nga ginabanta naga-edad 25 tubtob 35-anyos.
Ginpahayag ni Lomahan nga nagasuksok sang itom nga pang-ibabaw ang babaye, pero wala na sang pang-idalum nga panapton kag yupok ang agtang nga may indikasyon nga ginlampusan sang matig-a nga bagay.
Naka-alsa ang t-shirt sang babaye tupong sa iya nga ilok kag wala na sang bra samtang gintungtong naman sa iya liug ang iya nga panty.
Wala naman nakita sa lugar ang pang-idalum nga panapton sang babaye.
Yara na sa advanced state of decomposition ang bangkay nga ginabanta 2-3 na ka adlaw ang kadugayon sa lugar suno sa police.
Subject sa autopsy ang bangkay sang babaye agud mahibaluan ang gintunaan sang kamatayon sini.
Nagapadayon pa ang imbestigasyon sang police sa insidente.
