Nagapanguna ang Carles sa may pinakamadamo nga putot nga kabataan base sa data sang Iloilo Provincial Health Office.
Gin-report sang IPHO nga 732 ukon 12.4 percent sang mga kabataan sa amo nga banwa ang nagaka-eksperyensya sang stunting ukon wala nagasantu ang edad sa kataason sang bata.
Nagapangaduha ang Janiuay nga may 563 ka mga kabataan ukon 11.39 percent; Dumangas nga may 422 ka mga kabataan; Santa Barbara nga may 377, kag Balasan nga may 324.
Suno kay Dr. Wendel Marcelo sang Provincial Health Office, daku nga pagpanghangkat nga mapalab-ut ang serbisyo sang gobyerno sa mga “far-flung barangays” kapareho sang Carles nga ginakabig may pinakamadamo nga populasyon sang mga kabataan.
Nagapadayon naman ang kampanya sang PHO agud matapna ang malnutrisyon sa probinsiya. — via Aksyon Cedrick Anona
