Patay ang drivers sang duha ka motorsiklo sang nagbungguanay sa Barangay Milan, Sibunag las-3:58 kahapon sang kaagahon, Abril 16.
Suno kay Police Captain Luisito Baremque, OIC sang Sibunag Police Station, pareho nga halin sa fiestahan sa Brgy. Sapal, San Lorenzo ang mga biktima kag papuli na kun tani sang na-aksidente.
Sa imbestigasyon sang pulis, nag-una ang isa ka motorsiklo tungod gindul-ong pa sang 20-anyos nga driver ang iya isa ka abyan.
Pagdulhog na sang driver pagkatapos dul-ong sa iya angkas, nasugat-an niya ang isa pa ka motorsiklo nga ginamaneho sang iya man abyan sakay ang 22-anyos kag 18-anyos nga lalaki.
Nagbungguanay ang duha ka motorsiklo, suno sa police.
Lunsay napatay ang driver sang duha ka motorsiklo samtang pilason ang duha ka angkas. — via Aksyon Farrah Mae Morano
