Tobias Fornier, Antique Mayor Ernesto Tajanlangit ginsumbag si VM Jojo Fornier tungod sa food packs

Ginsumbag ni Mayor Ernesto Tajanlangit si Vice Mayor Jojo Fornier sa munisipyo sang Tobias Fornier, Antique kahapon sang aga, Abril 29.

Suno kay Antique Governor Rhodora Cadiao, nag-request sa iya sang food packs si Vice Mayor Fornier nga amo naman ang ginka-akig ni Mayor Tajanlangit.

Gilayon man nga ginpadal-an ni Cadiao sang 500 food packs nga halin sa DSWD si Fornier agud i-distribute sa mga apektado nga residente sang El niño.

Suno kay Cadiao, sang nahibaluan ni Tajanlangit nga nag-request si Fornier sang ayuda sa iya, ginpabantayan niya ang bise alkalde sa checkpoint agud nga indi ma-deliver ang iya gin-request nga food packs.

Pag-abot ni Fornier sa munisipyo, ginharangan siya ni Tajanlangit kag ginsumbag. Wala pa sang ideya si Cadiao kun diin ginsumbag sang alkalde ang bise alkalde.

Suno kay Cadiao, posible nga naakig si Tajanlangit kay Fornier tungod ang luyag sang alkalde nga maagi sa iya opisina ang ayuda nga ginahatag sa mga pumuluyo sang banwa.

Gilayon man nga nagpadulong sa doctor si Fornier agud magpa-check-up.

Ginpa-blotter na man ni Fornier si Tajanlangit kag yara na sa Antique Police Provincial Office ang pag-ruling sang kaso, suno kay Cadiao.

Matandaan ginpa-idalum sa state of calamity ang Antique tungod sa mabatyagan nga epekto sang El Niño phenomenon.

PAATHAG SANG ALKALDE

Gusto ni Tobias Fornier, Antique Vice Mayor Jojo Fornier nga siya ang managtag sang food packs nga halin sa Department of Social Welfare and Development (DSWD) sa mga residente nga apektado sang El Niño phenomenon sa ila banwa.

Diri suno kay Mayor Ernesto Tajanlangit nag-ugat sang pag-away nila ni Fornier.

“Tana nag-angkon nga ang food packs halin kay Governor Cadiao kag tana dapat ang managtag. Bilang Local Chief Executive, kita nakapaidalom sa State of Calamity gani indi ako magsugot nga tana ang managtag tungod ang aton MSWDO ang office nga incharge sa paglista kag pagpanagtag kang mga biktima kang EL NINO PHENOMENON sa aton banwa,” suno sa statement sang alkalde.

Nanindugan si Tajanlangit nga indi dapat pag-intrahan sang mga opisyal sang banwa ang katungdanan sang MSWDO tungod kabahin ini sang ila trabaho.

“Kaaraydan kang aton mga kasimanwa ang dapat mangibabaw kag indi ang timprano nga pamulitika. Depensahan ko ang kaaraydan kang tanan labi ron gid ang mga biktima kag El Nino. Nagapangayo gid ako kang pasensya sa akon nangin aksyoj tungod gani wara ko mapunggan ang akon kaugalingon. Nag-abot ron ang FOOD PACKS gani dapat gid makadangat ron sa aton pumuluyo sa mas madali nga panahon,” dugang pa niya.

“Mga Kasimanwa, amu dya ang matuod-tuod nga natabo. Mayad lang nga nabul-an natun kang video ang pag-eskandalo kag pagharang kang Vice Mayor nga ibalik kuno sa province ang truck nga may sulod foodpacks kung hindi malang mag-agi kana ang foodpacks nga para sa katawhan kang Dao.

Tama gid ka sala ang ana proseso. Waslik poder ang ana gina obra kag gina baliskad nanda ako tulad sa media. Amu dya ang matuod-tuod nga natabo.

“GINA DEPENSAHAN KO LANG ANG ATON PINALANGGA NGA BANWA.”” — via Aksyon Marvin Malificiar