ILOILO CITY — Temporaryo nga indi magamit sang mga kunsumedor ang gina-supply nga tubig sang South Balibago Waterworks.
Ini tungod contaminated ang tubig sa treatment plant sa Brgy. Bongco, Pototan.
Sa advisory nga ginpaguwa sang South Balibago Waterworks, indi manami ang kalidad sang tubig tungod sa presensya sang contaminants nga TDS ukon Total Dissolved Solids.
Ang nasambit nga contaminants ang halin sa seawater nga nagasulod kag naga-impon sa tubig.
Ginatudlo rason ang manubo nga water level bangud sa padayon nga epekto sang El Niño.
Gina-abisuhan ang publiko nga maggamit sang tubig halin sa mga alternative sources pareho sang bottled water ukon sa mga certified water refilling stations. — via Aksyon Paula Elambayo
