ILOILO CITY — Nakuhaan sang 13 ka sachets sang suspected shabu kag granada ang 44-anyos nga lalaki nga subject sa drug buy bust operation sa Zone 10 Calaparan, Arevalo gab-i, Mayo 7.
Suno kay Police Lieutenant Colonel Antonio Benitez Jr., head sang City Drug Enforcement Unit (CDEU), nagasaylo-saylo sang lugar ang subject nga si alyas Athan gani mabudlay dakpon.
Brgy. Sta Felomina, Arevalo ang address nga ginadala sang subject pero may impormasyon ang police nga nagatiner man siya sa Mandurriao kag nagakadto sa Calaparan.
Kagab-i, samtang gina-check sang police ang bag sang subject, gulpi lang nahulog ang granada gani nagpatawag ang CDEU sang Explosive Ordnance Disposal (EOD). Ginpahayag sang taga-EOD nga delikado ang MK2 fragmentation grenade nga ila na-recover kun wala nahingagaw.
Na-recover man kay Athan ang 25 grams sang suspected shabu nga may standard drug price nga P170,000.
2009 sang ginkasuhan ang subject tungod nakuhaan sang armas samtang 2014 nadakpan man tungod sa pagbaligya sang illegal drugs kag gin-gin-release sang 2021. — via Aksyon Farrah Mae Morano
