“Disappointed” si Iloilo City Mayor Jerry Treñas sa serbisyo sang Metro Pacific Iloilo Water.
Suno sa alkalde, daw nangin “water boy” na lang ang Iloilo City Government tungod sa kakulang sang supply nga ginahatag sang MPIW sa consumers.
“Dul-ong lang nga dul-ong” sang tubig ang syudad sa mga pumuluyo suno pa kay Treñas tungod indi manami ang linya sang MPIW.
Nagsugod subong nga Mayo ang pagrasyon sang syudad sa mga barangays nga tuman ka-apektado sang water crisis tungod sang el niño phenomenon.
Ang MPIW ang ginpili sang city government upod sang South Balibago Waterworks agud magrasyon sang tubig sa mga pumuluyo makaligad gindeklarar ang state of calamity tungod sang water crisis. — via Aksyon Justice Savannah Pamplona
