IPPO OIC, Colonel Bayani Razalan nag-surprise visit sa mga police stations sa probinsya sang Iloilo

Nag-surprise visit si Iloilo Police Provincial OOC Director Police Colonel Bayani Razalan sa duha ka police stations sa probinsya.

Ginbisitahan ni Razalan ang Sta Barbara kag Pavia Municipal Police Station.

Suno kay Col. Razalan, katuyuan sang iya pagbisita nga mapasiguro nga naga-perform sang ila duty ang mga pulis kag yara gid sa ila tagsa ka police station.

Ginpabutyag niya nga lunsay kompleto ang mga pulis sa duha ka police stations kag naga-perform sang ila duty. May isa lang ka pulis sa Sta Barbara nga nagpauli tungod nagsakit ang ulo pero naglisensya sa ila nga hepe.

Maga-sige sige ang paglibot sang provincial director sa mga municipal police stations pero indi maghatag sang insakto nga oras kag adlaw sa mga hepe.

Magapadayon ang paglibot ni Iloilo Police Provincial Office OIC director Police Colonel Bayani Razalan sa mga police station sa probinsya.

Wala ginbuyagyag ni Razalan ang masunod nga police station nga iya bisitahan kag kun ano nga oras, pero nahibaluan man sang mga chief of police nga magalibot siya. — via Aksyon Farrah Mae Morano