ILOILO – Nasapwan nga nagakaya kag tiskog na ang lawas sa kahilamunan ang caretaker sang manokan sang nakuryente sa Brgy. Lumangan, Miagao las 8:30 kahapon sang aga.
Suno kay Police Major Richard Lao sang Miagao Municipal Police Station, nagpanghawan sang mga hilamon sa manokan ang 29-anyos nga si alyas Toto sang Brgy. Dalije, gamit ang binangon kag martilyo.
Samtang nagapangkakas sang nagatapik nga hilamon sa kudal, wala nadiparahan ni Toto ang live wire gani iya nalabo kag na-utod kag nakuryente siya.
Gindala pa sa San Joaquin Mother and Child Hospital ang biktima apang gindeklarar nga dead-on-arrival.
