ILOILO CITY — Nakahimo sang duha ka separado nga drug bust operations ang mga pulis sang Iloilo City Police Station 5 sa Mandurriao kaina sang hapon.
Una nga nadakpan sa Barangay Sta. Rosa si alyas Don, 20-anyos nga taga-Sambag, Jaro.
Nakuha kay Don ang apat ka sachets sang suspected shabu nga nagabug-at sang 3 gramos kag may standard drug price nga P15,400.
Na-monitor ang illegal nga aktibidad ni Don tungod nagalab-ot pa siya sa Mandurriao sa pagbaligya sang illegal nga druga.
Las-3:40 naman kaina sang hapon, nadakpan ang 16-anyos nga estudyante nga si alyas Boy nga taga-City Proper.
Nakuha kay Boy ang 11 ka sachets sang suspected shabu nga ginabanta 10 gramos kag may standard drug price nga P68,000.
Suno kay Police Captain Joebert Amado, officer-in-charge sang ICPS 5, gintumod ni Boy si Don nga nakita niya nga nagakuha man sang illegal nga druga sa iya source sa Jaro.
Ginpabutyag man ni Amado nga naka-test buy na sila sa duha kag positibo nga illegal nga druga ang ila ginabaligya gani ginplano na ang masunod nga transaksyon bilang drug bust operation.
