ILOILO — ILOILO — Napilasan sa tiyan ang tiyo nga nagpanapungol sa namatyan sang nabun-an sang iya hinablos sa Barangay Mapili, San Enrique las-2 kaina sang kaagahon.
Suno kay Police Captain Dandy Ilalto, officer-in-charge sang San Enrique Municipal Police Station, may gintapungol sa namatyan ang biktima nga si alyas Ben, 26-anyos, gani ginsaway siya sang iya hinablos pero wala nagpamati tubtob nga nagsabtanay sila kag may nagluntad nga komosyon.
Tungod sini, gintapungol ang biktima sang isa pa niya ka hinablos nga si Ed, 37 anyos nga utod sang una nga nagsaway sa iya, tubtob nga nabun-an ang tiyo.
Nagpalagyo si Ed, pero nadakpan kaina sang udto paagi sa hot pursuit operation.
Nagapaayo na sa ospital ang biktima kag ginahulat ang desisyon kon mapasaka sang kaso.
