4th District of Iloilo BM Domingo Oso gin-istorya ni Iloilo Gov. Arthur Defensor, Jr. nga mangin running mate sa 2025 midterm elections
Ginkumpirmar ni Iloilo 4th District Board Member Domingo Oso, Jr. nga makapila na siya ka beses nga gin-istorya ni Governor Arthur Defensor, Jr. nga mangin running mate niya sa 2025 midterm elections.
Suno kay Board Member Oso, posible nga nakit-an sang gobernador ang iya abilidad sa pagserbe sa taga-probinsya.
Ginpahayag pa niya nga madugay na siya nga nangin floor leader sa provincial board lakip na sa administrasyon ni anay Governor Arthur Defensor.
Ginbuyagyag man ni Oso nga wala pa siya sang desisyon sa tanyag sang gobernador tungod kinahanglan niya nga maglisensya sa Nacionalista Party (NP) nga iya partido.
Pananglitan nga suportahan sang NP si Oso, batunon niya ang ginatanyag ni Defensor kag suportahan ang iya administrasyon.
Una na nga nagguwa ang pangalan nanday 2nd District of Iloilo Congressman Michael Gorriceta kag 5th District Congressman Raul Tupas nga posible mangin running mate ni Gov. Defensor. — via Aksyon Cedrick Anona
