8 ka masitera sa Diversion Road, Mandurriao nagkalabuka sang ginsalakay sang pribado nga salakyan
ILOILO CITY — Nagkalatumba kag nabuka ang walo ka mga flower pots sa Diversion Road, Mandurriao kaina sang kaagahon.
May nabilin nga parte sang salakyan sa lugar.
Ginpahayag sang green guard nga naga-duty sa lugar nga posible ginabanta las-3 sa kaagahon nabungguan sang salakyan ang mga masitera.
Posible suno sa ila nga sang nakabunggo ang salakyan sa masitera, nag-atras lang ini kag nagdiresto naman sa Diversion road.
Suno kay Patrolman Jonelle Alimodian, traffic investigator sang Iloilo City Police Office, may concerned citizen nga nagpahibalo sa ila nga pick up nga grey ang nakabunggo.
Gina-imbestigaran pa sang police ang insidente. — via Aksyon Farrah Mae Morano
