8 ka balay, kamalig kag 2 ka cottages sang resort sa Namocon, Tigbauan naguba sang naglabay ang buhawi

ILOILO— Naguba ang pila ka mga balay sa Brgy. Namocon, Tigbauan sang naglabay ang buhawi las-7 kagab-i, Agosto 26.

Suno kay Punong Barangay Rewil Gabucay, gulpi lang naglabay ang buhawi pag-untat sang ulan.

Sa pag-check niya, walo ka mga balay ang partially damaged sa diin nagkalakakas ang atop kag naguba ang dingding. May naguba man nga kamalig nga ginapahuwayan sang mga manugpangisda, suno kay Gabucay.

Maluwas diri, natumba man ang duha ka mga cottages kag ang porsyon sang kudal sang isa ka beach resort, suno sa iya.

Ginpangbalik na lang sang mga residente ang mga naguba nga atop kag ginhipid ang ila nga balay.

Wala sang gin-report nga napilasan, suno kay Gabucay. — via Aksyon Farrah Mae Morano