1 dakop, 1 nakapalagyo sa drug buy bust sa Molo
ILOILO CITY — Isa ang nadakpan samtang isa ang nakapalagyo sa drug buy bust operation sa Zone 6 Barangay Boulevard, Molo kahapon, Setyembre 12.
Suno kay Captain Ryan Christ Inot, team leader sang City Drug Enforcement Unit (CDEU), nadakpan ang subject nga si Bongbong, 50-anyos samtang nakapalagyo si Stephen, 42-anyos sang naglumpat sa bintana sang balay.
Na-recover sa operasyon ang 55 grams sang suspected shabu nga may standard drug price nga P374,000, kag homemade 12 gauge shotgun nga ginapanag-iyahan ni Stephen.
Sa pagpangusisa sang police, upod ang duha sa pagbaligya sang illegal drugs kag updanay man sadto sang napreso sa kaso nga theft kag robbery sang 2016.
Temporaryo lang nga nagatiner si Bongbong sa balay ni Stephen sa Molo, suno sa police.
Sa Bakhaw, Mandurriao ginakuha sang duha ang supply sang illegal drugs, suno pa sa police.
Ginahibalo pa sang police ang dugang nga impormasyon may kaangtanan sa duha. — via Aksyon Farrah Mae Morano
