GUIMARAS – Isa ang patay samtang pilason ang magpakaisa sang naigo sang kilat ang payag sa Brgy. Umilig Buenavista, Guimaras kagab-i.
Magpakaisahanay ang napatay nga si alyas Toto nga estudyante samtang pilason ang iya mga pakaisa nga kanday alyas Ken kag alyas Paul.
Suno kay Police Captain Ma. Jona Casono, acting chief of police sang Buenavista Municipal Police Station, nagahulat sa payag ang mga biktima sang nagpamukot sang isda sa lugar.
Samtang nagahulat sa payag, naglisensya nga makadto sa CR si Paul kag sang nagbalik, nakit-an niya nga nagahuray-ad na ang iya mga pakaisa.
Na-recover sa payag ang mga cellphone sang mga biktima nga sunog na.
