Buho nakit-an sa asphalt overlay sa porsyon sang Ungka Flyover tungod sang wala untat nga pag-ulan
ILOILO — Wala sang dapat kabalak-an ang mga motorista nga nagalabay sa ibabaw sang Ungka Flyover, suno kay Department of Public Works and Highways (DPWH) 6 Director Engr. Sanny Boy Oropel
Ini may kaangtanan sa buho nga nakit-an sang Aksyon Radyo Iloilo news team sa porsyon sang asphalt overlay sang Ungka Flyover.
Suno kay Oropel, resulta ang buho sa aspalto sang wala untat nga pag-ulan-ulan rason nga may nagtuhaw nga “potholes.”
“Too much rainfall, it causes potholes on asphalt pavement,” porsyon sang mensahe nga ginpadala ni Oropel sa Aksyon Radyo Iloilo.
Ginpasalig man niya nga kay-uhon gilayon sang DPWH 6 ang buho.
Sa pagpangusisa sang Aksyon Radyo Iloilo sa iban nga eksperto may tatlo ka mga elemento nga nagaresulta sa pagtuhae sang mga potholes sa asphalt overlay.
Ini amo ang mga visible cracks, tubig kag traffic.
Visible cracks- mahimo nga maglapad ukon magbuho ang cracks pananglitan nga nagadamo man ang salakyan nga nagalabay sa mga karsada nga may crack
Tubig- posible nga magsalupsop ang tubig sa mga crack sang asphalt overlay kag magaresulta sa pagkabuho ukon pagkaguba sang dalan. — via Aksyon Cedrick Anona
