Bagger sang harvester sa Cabatuan patay sang ginlamon ang kamot kag tiil sang equipment

ILOILO — Patay ang bagger sang harvester sang ginlamon samtang ginatinluan ang equipment sa Brgy. Janipaan Oeste, Cabatuan kahapon sang aga, Oktubre 5.

Sa pagpangusisa sang news team sa bata sang bagger nga si Jerson 18- anyos, upod niya ang iya amay sa humayan sang ginsugo sila sang operator nga tinluan ang harvester.

Ginsulsog ni Jose ang lutak sa blower gamit ang iya kamot sang nagsaka ang operator kag ginpaandar ang harvester. Wala nakahibalo ang operator nga may tawo.

Ginlamon ang tuo nga kamot kag braso ni Jose, sunod ang tuo nga tiil kag napilasan man ang ulo nga gintunaan sang iya kamatayon. — ARI trainee Robert Nietes