Tiya patay, menor-de-edad niya nga hinablos ginpahayag ginhimuslan sang ginsulod sa ila balay sa Sara; Suspek nakilala

ILOILO —

Patay ang 44 anyos nga tiya samtang nakapalagyo ang iya 17-anyos nga hinablos sang ginsulod ang ila balay sa Barangay Arante, Sara kahapon sang kaagahon.

Ginkumpirmar ni Punong Barangay Imee Ojaldon nga ginpatay sang mga suspek ang tiya nga si Grace Fortaleza, samtang ginapatihan nga ginhimuslan ang iya hinablos.   Suno kay Ojaldon, natabuan nga wala sa balay ni Fortaleza ang iya bata nga lalaki kag hinablos niya lang ang iya upod sang ginsulod sang mga suspek.

Nakaguwa sa balay ang hinablos kag nakapangayo sang bulig sa balay sang iya stepmother nga iping lang sang balay sang iya tiya suno sa barangay kapitan. Na-recover sa lugar ang dos por dos nga baratiha nga madamo sang dugo.  Wala man sang iban nga gamit nga nadula sa balay sang biktima magluwas lang sa mga cellphones sang magtiya

NA-IDENTIFY ANG SUSPEK

Na-identify sang 17-anyos nga babaye ang nagsulod sa balay sang iya 44-anyos nga tiya kag gina-alegar naghimulos sa iya kag nagpatay sa iya tiya. Ini ang ginkumpirmar sang bayaw ni Grace Fortaleza, ang tiya sang menor-de-edad. Si Grace ang napatay tungod ginlampusan sang baratiya sa ulo.

Suno sa bayaw ni Grace, may ginpakita nga picture sang lalaki sa hinablos sa diin gintabunan ang hitsura kag mata lang ang kitaon. Naghibi ang bata kag gintudlo niya ang lalaki sa picture nga amo ang suspect. Gindala na sa munisipyo ang lalaki kag gina-verify kun siya gid man ang suspect.

Sa impormasyon sang pamilya, residente sang ila nga barangay ang suspect. — via Aksyon Maria Kayla Tingzon