P1.2 million nga balor sang suspected shabu na-recover sa magpakaisa sa Jaro

ILOILO CITY- Masobra P1 million nga balor sang suspected shabu ang na-recover sang City Drug Enforcement Unit sa drug bust operation sa Brgy. Desamparados, Jaro pasado kahapon, Oktubre 23.

Ginkilala ang nadakpan kanday alyas Boss kag Madam nga magpakaisa.

Suno kay PCapt. Ryan Christ Inot, chief sang CDEU, downline sang daku nga drug personality sa Muntinlupa si Boss.

Sa monitoring sang police, naga-deliver kag nagadaho sang drug items si Madam sa mga parokyano kag nagakuha sang supply kay Boss pananglitan maubos.

Masobra sa duha ka semana gin-monitor sang police ang mga subject.

Na-recover ang apat ka dalagku nga sachet kag anum ka sachet sang suspected shabu nga ginabanta nagabug-at sang 150 grams. — via Aksyon Paula Elambayo