ILOILO — Tatlo ka mga balay ang totally damaged samtang duha ang partially damaged sang nasunog sa Barangay Anoring, Sara las-9:10 kagab-i, Abril 28.
Suno kay FINSP Jory Biliran, fire marshall sang Sara Municipal Fire Station, nagdangat sa second alarm ang sunog tubtob na-fire out las-12:12 subong nga aga.
Sa impormasyon sang bombero, nagsugod ang kalayo sa balay sa diin naga-istar ang bedridden nga tigulang nga napatay tungod wala na makaguwa. Napilasan naman ang 62-anyos niya nga utod.
Nagapadayon ang imbestigasyon sang BFP may kaangtanan sa ginhalinan sang sunog. — Aksyon Maria Kayla Tingzon
