Pick up nga mabutong sang speed boat nag-us os paidalum sa dike sa Guimbal

ILOILO — Nag-us-os ang pick up nga nagabutong pasaka sa speedboat sa dike sa Barangay Gerona-Gimeno, Guimbal kahapon sang hapon, Nobyembre 10.

Suno kay Police Corporal Karl Francis Boston, imbestigador sang Guimbal Municipal Police Station, nalabyan nila samtang nagapatrolya ang salakyan nga gina-rescue na sang loader.

Nagpamalibad na nga mag-report sa police ang driver sang salakyan gani wala nila makuhaan sang detalye.

Base sa pagpangusisa sang police sa mga tawo sa lugar, may ginapasaka nga speed boat ang pick-up sang nag-us-os.

Ginalantaw nga error sa parte sang driver ang natabu kag tungod man sa kabug-aton sang ginabutong nga speed boat.

Wala sang iban nga sakay ukon karga ang pick up sang natabu ang aksidente. — via Aksyon Maria Kayla Tingzon