Pick up naglapaw sa dalan kag nagdiretso sa talamnan sa Barotac Nuevo

ILOILO — Nadamulit sang lutak ang pick-up nga salakyan sang naglapaw sa dalan kag nagdiretso sa talamnan sa bypass road sang Brgy. Bungca pasado las-5:30 kaina sang kaagahon.

Halin sa Banate kag pakadto sa Iloilo City pick-up nga ginamaneho sang 21-anyos nga driver.

Suno kay Police Staff Sergeant Renebe Blanco, imbestigador sang Barotac Nuevo Municipal Police Station, may tawo nga gulpi nagtabok sa dalan gani ginlikawan sang driver.

Sang naglikaw ang driver, wala niya nakontrol ang manibela rason nga nagsaka sa gutter kag nagdiretso sa talamnan.

Wala napilasan ang driver sang pick-up samtang nakuha na ang pick-up sa talamnan. — via Aksyon Paula Elambayo