5 ka mangingisda nadakpan nga naga-illegal fishing sa kadagatan nga sakop sang Brgy. Taloto-an, Concepcion

ILOILO– Nadakpan sang Iloilo Provincial Bantay Dagat Task Force ang mga manugpangisda nga naga-illegal fishing sa kadagatan sakop sang Colebra Island sa Brgy. Taloto-an, Concepcion kahapon, Disyembre 2.

Lima ang sakay sang F/B Angel Mie nga taga-Brgy. Alipata, Carles.

Gindakop ang lima ka manugpangisda tungod sa violation sang Section 92 paragraph A sang Republic Act 10654 ukon “act which prevents, deters and eliminates illegal, unreported and unregulated fishing.”

Na-recover ang fishing boat nga may karga nga duha ka kilo sang tabagak nga ginabanta nagabalor sang P300.

Yara na sa custody sang Task Force ang fishing boat kag mga accessories, fishing gears kag iban pa nga mga na-recover nga items.

Ginpasa naman sa Bureau of Fisheries and Aquatic Resources (BFAR) ang fish samples para sa scientific examination.