Punong barangay sang Sto Niño, Dueñas kag iya bana patay sang gintiro sang riding-in-tandem

ILOILO — Dead-on-arrival sa ospital ang asawa nga Punong Barangay sang Sto. Niño, Dueñas kag iya nga bana sang gintiro sang riding-in-tandem sa Tinocuan, Dueñas mga las-10 sang aga.

Suno sa source sang Aksyon Radyo Iloilo, sa ulo ang pilas sang mga biktima. Ang mga biktima ginkilala kanday Punong Barangay Michelle Lamela kag iya bana nga si Rodney.

Sa inisyal nga impormasyon halin sa Dueñas Municipal Police Station, riding-in-tandem ang may kahimuan sa krimen nga natabo sa highway sang amo nga barangay.

Pakadto sa banwa ang mag-asawa sakay sa motorsiklo kag pag-abot sa bangga sang Brgy. Tinocuan, may nag-iping nga riding-in-tandem kag gintiro ang mga biktima. — via Aksyon Marvin Malificiar