Pulis patay sang ginbuno sang construction worker sa Oton; Suspek natiruhan pa sang biktima
ILOILO — Patay ang police sang ginbuno sang construction worker sa Brgy. Pakiad, Oton mg alas-11:45 kagab-i, Disyembre 16.
Suno kay Patrolman Fritz Desbaro, imbestigador sang Oton Municipal Police Station, naga-inum-inom ang suspect nga ginkilala kay Dan Garferio, 40-anyos residente sang Sinibaan, Dingle, sang gulpi niya ginbuno sa likod si Police Staff Seargent Edwin Calubayan, 40-anyos sang Balabag, Dumangas.
Nagaguwa sa imbestigasyon sang Oton police, naglisensiya sa tag-iya sang tiyangge si Calubayan nga mapauli na sang ginbuno siya ni Garferio sang isa ka bes sa likod.
Naggabot naman sang 9mm nga service firearm ang police kag natiruhan sa tiyan ang suspect.
Sa pagpangusisa sang police sa lugar, masami nagabisita ang police sa tag-iya sang tiyangge tungod ginpahaya nga nakursunadahan niya.
Sa impormasyon sang police nga naluyag man ang suspect sa tag-iya sang tiyangge.
Pagpangimon ang ginasundan nila nga anggulo sa natabo.
Napaidalom sa hospital arrest ang suspect sa West Visayas State University Medical Center kag natalana pasakaan sang kaso nga murder.
