Driver sang motorsiklo patay sang nakabunggo sa jeep sa New Lucena

ILOILO — Patay ang driver sang motorsiklo sang nakabunggo sa jeep sa Brgy. Poblacion, New Lucena kahapon sang aga, Disyembre 20.

Suno kay PLt. Jersey Baldevia, Officer in charge sang New Lucena Municipal Police Station, gindala pa sa ospital ang driver sang motorsiklo nga si alyas Ark, 37-anyos apang napatay kahapon.

Wasak ang motorsiklo sang biktima tungod sa impact samtang nalipong kag nabali ang iya paa.

Nag-aregluhanay ang driver sang jeep kag pamilya sang biktima kag wala na sang plano nga magpasaka pa sang kaso batok sa driver sang jeep suno sa pulis.

Samtang yara pa sa kustodiya sang New Lucena Municipal Police Station ang driver sang jeep. — ARI Trainee reporter Ivan John Villa