Libreng Merienda sang Aksyon Radyo Iloilo kag Operation Tulong sang MBC Media Group sa Sto. Niño Sur, Arevalo

ILOILO CITY — Ginkalipay sang mga Day Care learners sa Sto Niño Sur, Arevalo ang pagbisita sang mga personnel sang Aksyon Radyo Iloilo agud magdala sang libre nga pamahaw kag kalingawan kahapon, Enero 10.

Ang nasambit nga aktibidad kabahin sang libreng merienda sang Aksyon Radyo Iloilo kag Operation Tulong sang Manila Broadcasting Company (MBC) Media Group. 50 ka mga learners ang nakabaton sang libre nga snacks.

Magluwas sini, ginkalipay man sang mga ginikanan kag guardians ang mga nadag-an nga cash kag pouch halin sa roleta sa barangay.

Ang libreng merienda sang Aksyon Radyo Iloilo kabahin sang pagpasalamat sa padayon nga mga nagasakdag kag nagasuporta sa estasyunan.