Unahan nga porsyon sang salakyan ni SB Member Joseph Bajada nawasak sang na-aksidente sa Sara
ILOILO — Wasak ang bumper, hood kag headlights sang salakyan ni San Dionisio SB Member Joseph Bajada sang nakabunggo sa poste sa center island sa Barangay Aldiguer, Sara kagab-i, Enero 22.
Sa imbestigasyon sang police, pakadto si Bajada sa balay sang iya pamilya sa Barangay Devera sang nakabunggo tungod napiyungan siya.
May kadasigon ang pagpadalagan sang driver gani dako ang damage sang salakyan.
Wala naman napilasan ang driver tungod na-activate ang air bag sang salakyan. — Aksyon Maria Kayla Tingzon
