Laborer dakup sa drug buy bust operation sa Dueñas; Masobra P800,000 nga balor sang suspected shabu na-recover

ILOILO — Na-recover sang kapulisan ang dalagku nga sachets sang suspected shabu sa drug buy bust operation sa Brgy. Poblacion A, Dueñas.

Nadakpan sa operasyon si alyas Kevin, 23-anyos nga laborer kag ginakabig sang pulis nga high value drug personality.

Nahuman ang operasyon sang mga operatiba sang Dueñas Municipal Police Station – Station Drug Enforcement Team upod ang Iloilo Provincial Drug Enforcement Unit Team 1 (PDEU) pagkatapos sang intelligence validation, surveillance, kag target profiling.

Na-recover naman sa operasyon ang 120 grams sang suspected shabu nga may standard drug price nga P816,000.