ILOILO — Wala sang nakita nga forcible entry ang kapulisan sang gin-check ang St. Jerome Parish sa Dueñas sang nakita ang Facebook post nga ginpangguba ang Tabernacle kag vestments kag choir cabinets.
Suno kay Police Captain Isagani Tabares, officer-in-charge sang Dueñas Municipal, bisan pa wala na-report sa ila ang insidente, nag-imbestigar ang kapulisan kag natukiban nga wala sang nadula sa simbahan.
Naga-conduct sang follow up investigation ang kapulisan agud matumod kon sin-o ang nangguba sang mga gamit kag paano nakasulod sa simbahan.
Nagpangabay man ang tagdumalahan sang simbahan nga magpahibalo ukon direkta nga mag-report sa pulis kon may nakit-an nga makaduluda sa palibot.
