P1.7 million nga balor sang suspected shabu na-recover sa HVI sa buy bust operation sa Pavia

Na-recover ang ginabanta sa 260 grams sang suspected shabu nga nagabalor sang P1,768,000 sa 26-anyos nga babaye sa buy bust operation sang Provincial Drug Enforcement Unit (PDEU) sa Brgy. Jibao-an, Pavia pasado kahapon, Pebrero 23.

Ginkilala ang subject kay alyas Tata nga taga-Brgy. Binawbawan Pilar, Capiz pero temporaryo nga nagatiner sa Jibao-an, Pavia.

Suno kay Police Major Dadje Delima, chief sang PDEU, may suod nga abyan sa Roxas City, Capiz ang subject nga amo ang ginakuhaan niya sang supply sang illegal drugs.

Ginpahayag ni Delima nga gina-distribute sang subject sa mga kabanwahanan sa probinsiya sang Iloilo ang mga illegal items.

Sa operasyon sang police, na-recover ang anum ka plastic sachet kag duha ka dalagku nga sachet sang suspected shabu.

Ginakabig sang police nga high value drug personality ang subject nga yara na sa kustodiya sang Pavia police station. — Aksyon Paula Elambayo