Solterito nasapwan patay sa sulod sang iya kwarto sa Passi City; Lolo nga nakasapo sa bangkay sang apo patay sang gin-atake sa corazon

ILOILO — Gin-atake sa corazon gani napatay ang 65-anyos nga lolo sa Passi City sang nasapwan nga patay na ang iya 13-anyos nga apo sa sulod sang ila kwarto, kahapon sang aga.

Sa impormasyon sang Passi City police, nakabati sang duha ka lupok ang lolo kag sang ginsudlan sa ila kwarto, nasapwan niya na lang ang iya apo kag may pilas sang pagkatiro sa ulo.

Gindala pa sa ospital ang solterito pero gindeklarar nga patay.

Nagpamalibad na ang pamilya nga i-proseso pa sang Scene of the Crime Operatives (SOCO) ang lugar sa diin nasapwan ang solterito tungod nabaton na nila ang natabo kag may nakita nga sulat nga nagapamilinbilin ang solterito.

Na-recover ang caliber 45 sa sulod sang kwarto.

Ginapanag-iyahan sang lolo ang pusil nga nasulod sa iya briefcase.

May lisensiya ang lolo sa pagpagpanag-iya sang pusil.