ILOILO CITY — Napasaka na ang kaso nga murder kay Rommel John Celestre, 21-anyos nga suspek sa pagpatay sa 39-anyos nga masahista nga nasapwan sa sulod sang kuwarto sang Queen’s Court Drive-in Motel, Barangay Bolilao, Mandurriao.
Abril 5 sang ginkuha sang Mandurriao police sa Valladolid, Negros Occidental si Celestre kag gindala pabalik sa Iloilo City.
Sa Valladolid nagkadto si Celestre pagkatapos sang krimen.
Sa impormasyon sang police, wala nag-intindihanay ang suspek kag ang biktima sa bayad sa pagmasahe.
