Lalaki nga nanghikay nga wala sang sumsuman sa ilimnan patay sang gintiro sang iya abyan sa Passi City

ILOILO — Patay ang ginabanta 30-anyos nga lalaki sang gintiro sang iya abyan sa Barangay Aglalana, Passi City mga las-6:30 kagab-i.

Suno kay Police Captain Ma. Rosario Miranda, deputy chief sang Passi City Police Station, fiesta sa barangay kag naga-inum-inom ang biktima nga si Tata upod sa suspect nga si Mak-mak.

Naga-inom ang duha sang ginhikayan ni Tata si Mak-mak nga wala sila sang sumsuman.

Magluwas sa amo nga rason, ginkaakig man ni Mak-mak ang pagbuka ni Tata sang baso gani iya gintiro sa likod gamit ang de dose nga pusil.

Gindala pa si Tata sa ospital pero gindeklarar nga dead-on-arrival.

Nagpauli naman ang suspect sa ila balay kag gin-surrender sang iya pamilya sa police.

Ginapreparar na ang kaso nga homicide batok sa suspect sa tion nga makadesisyon ang pamilya sang biktima. — Aksyon Maria Kayla Tingzon