Ginkumpirmar ni Dr. Mary Ann Diaz, Iloilo City Health Officer nga nadugangan sang tatlo ang kaso sang MPox sa siyudad.
May apat na ka laboratory-confirmed cases sang MPox sa Iloilo City as of June 2, 2025.
Naghalin ang tatlo ka laboratory-confirmed cases sa una gin-report nga apat ka suspect case sang nagpositibo sa ginhimo nga confirmatory test sa Research Institute of Tropical Medicine.
Indi close contacts sang una nga nagpositibo sa MPox ang tatlo ka nagdugang nga laboratory-confirmed cases.
Samtang, may nagdugang nga isa pa ka suspect case nga nagresulta sa duha na ka suspect cases.
Yara na sa estable nga kondisyon ang mga pasyente nga may kumpirmado nga kaso sang MPox kag ginabulong sa isa ka ospital sa siyudad. — Aksyon Marvin Malificiar
