P1.5 million nga brass relief mural ginpakita sa publiko kadungan sang inagurasyon sang New Iloilo City Legislative Building

ILOILO CITY—Ginpakita ang metallic wall mural nga nahamtang sa entrance sang gin-inagurahan nga New Iloilo City Legislative Building subong nga hapon.

Nagabalor sang P1.5 million ang amo nga art mural nga gintawag “Iloilo, Syudad Kong Pinalangga” nga gindonar nanday USWAG Ilonggo Partylist Representative Jojo Ang, MORE Power CEO kag Iloilo City adopted son Mr. Roel Castro, kag Mayor Jerry Treñas.

Ang art mural ginhimo nanday Ed Defensor, Harry Mark C. Gonzales, Ernesto “Nick” C. Lanes Jr., kag Ariel C. Pineda sang 2024.

Ginapakita sang amo nga art mural ang nagkalain-lain nga lugar ukon landmark, kapistahan, simbahan, kag iban pa. — Aksyon Marvin Malificiar