ILOILO — Patay ang 36-anyos nga lalaki sang nakuryente samtang nagakay-o sang kudal sa Brgy. Sibacungan, Lambunao sang Hulyo 6.
Suno kay Police Captain Jose Winston Biadog, deputy chief of police sang Lambunao Municipal Police Station, ginakay-o sang lalaki ang kudal sa likod sang ila balay upod ang iya utod antes natabo ang aksidente.
Ginpahayag sang police nga tukuran kuntani sang lalaki ang nagawayway nga kable sang kuryente pero nauyatan gani nakuryente.
May paso sa tuo nga kamot ang lalaki nga gindala sa ospital pero gindeklarar nga dead-on-arrival. — Aksyon Paula Elambayo
Lalaki patay sang nakuryente sa Lambunao
![“Handom niya gid maka-abot sa [lugar nga] natawuhan sang Kristo” —Mrs. Paterna Prodigo, iloy ni Mary Grace Prodigo-Cabrera nga napatay sa pag-atake sang Hamas sa Israel](https://aksyonradyoiloilo.com.ph/wp-content/uploads/2023/10/PATAY-1-440x264.png)
