Siklista patay sang nabungguan sang pick up sa Brgy. Pakiad, Oton

ILOILO– Patay ang seaman nga siklista sang nabungguan sang pick-up sa Circumferential Road 1 nga sakop sang Brgy. Pakiad, Oton las 6:30 sang aga.

Ginkumpirmar ni PLTCol. Abner Jordan sang Oton MPS nga gindeklarar nga napatay ang biktima las 7:03 sang aga tungod sang pilas sa ulo.

Sa imbestigasyon sang Oton Police , nagabisikleta si alyas John sang Jaro sang nabungguan sang salakyan nga ginamaneho ni alyas Mark, 21-anyos sang Brgy. Pulo Maestra Vita, Oton.

Natumba sa karsada ang biktima.

Gin-custody naman sang Oton police ang driver sang pick-up kag magapangatubang sang kaso nga reckless imprudence resulting in homicide. — Source: ARI trainee reporter Dan Jamoyot