4 ka indibidwal lakip ang menor-de-edad nakuhaan sang malapit P1 million nga suspected shabu sa buy bust sa Estancia

ILOILO — Apat ang nadakpan lakip ang menor-de-edad nga lalaki sa drug buy but operation sa Poblacion Zone 1, Estancia kagab-i.

Ginkilala ang mga nadakpan kanday alyas Nonoy, 47-anyos sang Brgy. Calapdan, Estancia; alyas Mich, 22-anyos sang Brgy. Botongon, Estancia; alyas Ange, 32-anyos sang Brgy. Mandalagan, Bacolod City; kag menor-de-edad nga lalaki nga residente sang Brgy. Bayuyan, Estancia.

Sa operasyon sang Estancia Police Station Drug Enforcement Team, nakumpiskar ang ginabanta 143.5 grams sang suspected shabu nga nagabalor sang P975,800.

Yara na sa kustodiya sang Estancia police kanday Nonoy, Ange, kag Mich samtang yara naman sa kustodiya sang Estancia MSWDO ang menor-de-edad. — Aksyon Farrah Mae Morano