ILOILO CITY — Nakuhaan sang P1.5 million nga balor sang suspected shabu ang duha ka mga subjects sa drug buy bust operation sa Barangay Rizal Pala-Pala I kagab-i, Hulyo 188.

Ginkilala ang mga subjects kanday alyas Ikig, 27-anyos kag alyas Jean, 30-anyos nga mga residente sang Rizal Estanzuela, City Proper.

Suno kay Police Captain Glenn Soliman, head sang Regional Police Drug Enforcement Unit (RPDEU) 6, ila na-monitor ang illegal nga aktibidad sang mga subjects makaligad nagguwa ang ila ngalan nga source sang mga una na nga nagkaladakpan sa drug bust operations.

Dugang ni Soliman, yara lang sa City Proper ang ginakuhaan sang mga subjects sang illegal nga druga.

Nakumpiskar sa operasyon ang 13 ka sachets sang suspected shabu nga ginabanta nagabug-at sang 225 grams. — Aksyon Maria Kayla Tingzon