ILOILO CITY—Gindagsa sang mga bumalakal ang ginabaligya nga ₱20 kada kilo nga bugas sa Iloilo Provincial Capitol grounds, kaina sang aga.
May kabug-usan nga 1,500 ka sako ang ibaligya nga may bug-at nga 10 ka kilo ang tagsa ka sako.
Antes maka-avail, ginapapila ang mga bumalakal bitbit ang ila valid ID.
Tubtob 20 kilos nga bugas ang sarang nga mabakal sang mga person with disabilities (PWDs) kag senior citizens, kag tubtob 10 kilos naman ang para sa regular nga indibidwal.
Ginpangunahan ang amo nga inisiyatibo sang Iloilo Provincial Agriculture Office kaupod ang Department of Agriculture.
