Patay ang mag-utod nga lalaki sang nahulog sa bubon sa Brgy. San Nicolas Buenavista, Guimaras pasado las-2:00 kaina sang hapon.
Suno kay Police Captain Rene Mercado, hepe sang Buenavista Municipal Police Station, ginsugo ang 15-anyos nga solterito nga kuhaon ang mga patay nga paka sa sulod sang bubon.
Sang natapos ang pangsag-a, nagpanaog sa bubon ang solterito kag wala na nakabutwa. May upod nga menor de edad sa lugar nga amo ang nagpangayo sang bulig sa magulang sang solterito.
May kadalumon nga 54 metros ang bubon.
Gilayon nagpanaog sa bubon ang 26-anyos nga magulang pero sang nakalab-ut sa tunga, naghambal nga indi siya makaginhawa gani nakadanlog kag nahulog.
Gilayon nagtawag sa mga responders agud ma-rescue ang duha.
Gindala sa ospital ang mag-utod pero lunsay gindeklarar nga dead-on-arrival. — Aksyon Paula Elambayo
