ILOILO— Dakop sa drug buy bust operation ang magbayaw sa Brgy. Infante, Molo kahapon, Hulyo 24.

Ginkilala ang mga nadakpan kanday alyas Alvin 40-antos residente sang nasambit nga barangay kag bayaw nga si alyas Budo, 31-anyos sang Brgy. Liberation, City Proper.

Suno kay Police Lieutenant Lloyd Pagulayan, deputy Station Commander sang Molo Police Station, si Alvin ang main subject kag naga-uyat sang supply sang illegal drugs samtang si Budo naman ang nagabulig sa pag-distribute.

Ini ang palangabuhian na ni Alvin, suno sa pulis.

Sa monitoring sang pulis, sa Brgy. Bakhaw, Mandurriao nagahalin ang supply sang illegal drugs sang subject kag ginabaligya sa Molo.

Na-recover ang duha ka sachets sang suspected shabu nga nagabug-at sang 5 grams kag may standard drug price nga P34,000. — Aksyon Farrah Mae Morano/ARI trainee Robert Nietes