ILOILO CITY — Nakit-an sang pila ka mga concerned citizen ang lalaki nga naka-brief lang samtang nagasaut sa ibabaw sang tricycle kag ginpakita pa ang iya nga buli.
Ginpahayag sang concerned citizen nga na-capture niya ang video la-1 kaina sang kaagahon sang naglabay sa Diversion Road, Mandurriao ang tricycle.
Magluwas sa lalaki nga nagasaut sa ibabaw sang tricycle, may isa pa ka nagasaut samtang nagakabit sa kilid sang tricycle, kag may tatlo ka sakay sa sulod.
Ma-issue sang show cause order ang Land Transportation Office (LTO) 6 sa registered owner sang tricycle nga nakit-an may naka-brief nga lalaki nga nagasaut sa ibabaw kag ginpakita pa ang iya nga buli.
Suno kay LTO 6 Regional Director Gaudioso Geduspan, nagmandu na siya kay Ms. Shiela Mae Alulod, Chief sang Intelligence and Investigation Unit sa pag-issue sang show cause order.
“This kind of behavior is not only irresponsible but poses a serious threat to both the individuals involved and other motorists on the road,” suno kay Geduspan.
May ipatuman nga legal kag administrative measures sa vehicle owner kag driver, suno kay Geduspan. — Aksyon Farrah Mae Morano
